«Түркістан БГҚ» ЖШС: сыртқы электр желілерінің құрылысы инспекция барысында қаралды

«Түркістан БГҚ» ЖШС басшылығы Басқарма төрағасы Ұлан Бүркітовтің жетекшілігімен 500/220 кВ сыртқы электр желілерінің құрылыс учаскесіне инспекциялық тексеріс жүргізді. Аралау барысында қатысушылар ұзындығы 36 км 112 м болатын 220 кВ «Шымкент – Састөбе» ӘЖ (ВЛ) желісі бойынша жұмыстардың барысымен танысты. Жоба шеңберіндегі сыртқы электр желілерінің жалпы ұзындығы 111 км 595 м. Нысандағы жұмыстарды «Электромонтаж» АҚ және «НИПИИ Энергия» АҚ консорциумы орындауда.

Қазіргі уақытта 220 кВ «Шымкент – Састөбе» ӘЖ (ВЛ) желісі бойынша темірбетон және анкерлік-металл тіректерді құрастыру, сондай-ақ жер жұмыстары жүргізілуде. Аралау барысында тартылып жатқан желінің екі нүктесінде құрылыс қарқынының нақты көрсеткіштері қаралды. Сыртқы электр желілерінің дайындық деңгейі станцияны іске қосу мерзімдерін синхрондауға және қуатты энергожүйеге беруге тікелей әсер етеді. Сондықтан бұл учаске бүкіл жоба үшін негізгі бағыттардың қатарына жатады.

Жұмыстар күрделі ауа райы жағдайында атқарылуда. Ұзаққа созылған жаңбырлардан кейін түскен қар трассаның жекелеген учаскелеріне техниканың қолжетімділігін едәуір қиындатты. Бірқатар нүктеде шамадан тыс ылғалданған топырақ арнайы техниканың өтуіне және құрылыс-монтаж жұмыстарының бір бөлігін орындауға кедергі келтіруде.

Басқарма төрағасы Ұлан Бүркітов атап өтті: «Сыртқы электр желілері бойынша ең бастысы – басқарылуын жоғалтпай, ресурстарды алдын ала дайындау. Ауа райы жағдайы қарқынды арттыруға мүмкіндік берген бойда мердігерлер жоғалтқан уақыттың орнын толтыруы керек, соның ішінде қосымша техника тарту және учаскедегі адамдар санын көбейту есебінен. Бұл бағыттың дайындық деңгейі станцияны іске қосу мерзімдерін синхрондауға және қуатты энергожүйеге беруге тікелей әсер етеді».

Инспекция қорытындысы бойынша ауа райына байланысты туындаған кешеуілдеулерді қысқарту және құрылыс қарқынын сақтау жөніндегі шаралар қаралды. Мердігер ұйымдарға нысанда ресурстарды жұмылдыруды күшейту және жұмыстар кестесін сақтау үшін қосымша шаралар қабылдау тапсырылды.