«Түркістан БГҚ» ЖШС-да басшылық құрамында өзгерістер болды

«Түркістан БГҚ» ЖШС-ның басшылық құрамында кадрлық өзгерістер орын алды. Компанияда Басқарма Төрағасының жаңа орынбасарлары тағайындалды. Топ-менеджерлерді ұжымға кеңесте «Samruk-Kazyna Construction» АҚ Басқарма Төрағасы Мәулен Зарлықлұлы Айманбетов таныстырды, ол «Түркістан БГҚ» құрылыс алаңына жұмыс сапарымен барған болатын.

«Түркістан БГҚ» ЖШС Басқарма Төрағасының бірінші орынбасары – Басқарма мүшесі болып Әбдікерім Тұрсынұлы Аршамов сайланды.

«Түркістан БГҚ» ЖШС Басқарма Төрағасының экономика және қаржы жөніндегі орынбасары – Басқарма мүшесі болып Төлеубек Қажымағамбетұлы Сүйендіков сайланды.

«Түркістан БГҚ» ЖШС Басқарма Төрағасының құқықтық мәселелер жөніндегі орынбасары – Басқарма мүшесі болып Гүлбаршын Пернеханқызы Әбдіғалиева сайланды.

Бұл тағайындаулар Түркістан облысындағы қуаты 1000 МВт бу-газ қондырғысы негізіндегі электр станциясының құрылыс жобасын іске асырудың белсенді кезеңінде басқару командасын күшейтуге бағытталған. «Түркістан БГҚ» компаниясы «Samruk-Kazyna Construction» АҚ-ның сенімгерлік басқаруында.

Құрылыс алаңына сапар барысында бас мердігерлер Консорциумы – Doosan Enerbility және Integra Construction KZ құрылыс компанияларының өкілдерімен нақты талқылаулар өтті.

Жұмыс сапарының қорытындысы бойынша Мәулен Зарлықлұлы Айманбетов бірқатар тапсырмалар берді, атап айтқанда: ҚМЖ (құрылыс-монтаж жұмыстары) кестелерін және инфрақұрылым бойынша іргелес процестерді өзектендіру, сондай-ақ іске асыру мерзімдері мен орындалатын жұмыстардың сапасын сақтау үшін «Түркістан БГҚ» персоналын жоғары білікті техникалық мамандармен күшейту бойынша тапсырмалар берілді.