«Түркістан БГҚ» жобасы үшін Asia Trafo зауытында 15 күштік трансформаторға тапсырыс берілді

«Түркістан БГҚ» ЖШС басшылығы Басқарма төрағасы Ұлан Бүркітовтың жетекшілігімен «Samruk-Kazyna Construction» АҚ (SKC) Директорлар кеңесінің мүшесі Александр Милютинмен және «Самұрық-Қазына» ҰӘҚ» АҚ өкілі Нұрлан Бельгибаевпен және Integra Construction KZ компаниясының өкілдерімен бірге Шымкент қаласындағы Asia Trafo зауытына (Alageum Electric Group) барды. Аталған кәсіпорында қуаты 1000 МВт болатын БГҚ (бу-газ қондырғысы) негізіндегі электр станциясына арналған трансформаторлық жабдықтар дайындалады.

Жоба үшін Asia Trafo зауытында жоғарылатқыш және төмендеткіш түрлерін қоса алғанда, 15 трансформаторға тапсырыс берілді. Кәсіпорынның мәліметінше, жабдықтың бір бөлігі қазірдің өзінде құрастырылған.

Зауыт TÜV Rheinland Kazakhstan тарапынан сертификатталған және ISO 9001, ISO 14001, ISO 45001 халықаралық стандарттарына сәйкес келеді. Сондай-ақ оның сынақ зертханасы ГОСТ ISO/IEC 17025 стандарты бойынша аккредиттелген және HIGHVOLT заманауи жүйелерімен жабдықталған.

«Түркістан БГҚ» ЖШС қазақстандық өндірушіден трансформатор сатып алу логистикалық тәуекелдерді төмендететінін, жеткізу мерзімін қысқартатынын және Қазақстан аумағында жабдыққа жедел сервистік әрі кепілдік қызмет көрсету мүмкіндігін қамтамасыз ететінін атап өтті. Алайда, тапсырыстың толық көлемі белгіленген мерзімде орындалуы тиіс екенін Басқарма төрағасы Ұлан Бүркітов ерекше айтты.

«Біз үшін қазақстандық өндірушіні қолдау маңызды, ал зауыттың орналасқан жері — жеке құндылық: ол құрылыс алаңына жақын. Бұл техникалық консультациялар мен сервистік қолдауды жедел алуға мүмкіндік береді және жобаны іске асырудың сенімділігін арттырады», — деп атап өтті «Түркістан БГҚ» ЖШС Басқарма төрағасы Ұлан Бүркітов.

Asia Trafo өніміндегі қазақстандық қамту үлесі кемінде 63%, жергіліктендіру деңгейі жыл сайын артып келеді. Кәсіпорын бұған дейін шетелден сатып алынған трансформатор майын өндіруді жолға қоюды жоспарлап отыр.

«Түркістан БГҚ» жобасы аясында ОТП-ны (отандық тауар өндірушілерді) қолдау қазақстандық өндірістік қуаттарды жүктеу, салық түсімдері және аса маңызды энергетикалық жабдық бойынша импортқа тәуелділікті азайту есебінен мультипликативті экономикалық әсер береді. Әлеуметтік әсер білікті жұмыс орындарын сақтау және құру, инженерлік құзыреттерді дамыту және энергетика саласы үшін ел ішінде кадр даярлау арқылы көрініс табады.