«БГҚ Түркістан» ЖШС алаңына ірі жүк көтергіш кран жеткізілді

1000 МВт қуатты бу-газ электр станциясының құрылыс алаңына Liebherr маркалы кран жеткізілді. Машинаның жүк көтергіштігі – 600 тонна. Бұл техника турбиналарды, генераторларды және энергия блогының басқа да ірі тораптарын орнату кезінде жоғары дәлдікті көтеру-монтаждау жұмыстарына арналған. Қазіргі уақытта кран сынаққа дайындық кезеңінен өтіп, дайындығы туралы акт берілді.

Айта кетейік, «Түркістан облысында қуаты 1000 МВт-қа дейін болатын маневрлік режимдегі электр энергиясын өндіретін бу-газ қондырғысы негізіндегі электр станциясын салу» жобасы Қазақстан Республикасы Президентінің тапсырмасына сәйкес жүзеге асырылып жатыр және елдің оңтүстік өңірі үшін стратегиялық маңызы бар жоба болып табылады.