Ата Заңға түзетулерді талқылау және алдағы референдум

Бүгінде елдегі маңызды тақырыптардың бірі – Қазақстан Республикасы Конституциясына енгізілетін түзетулерді талқылау және алдағы республикалық референдум. Конституцияның жаңа редакцияда қабылдануы мемлекеттік құрылымның негіздеріне, мемлекеттік басқару жүйесіне және елдің одан әрі дамуына қатысты мәселелерді қамтиды, сондай-ақ әрбір азаматтың өміріне тікелей ықпал етеді.

«Түркістан БГҚ» компаниясында аталған мәселе Басқарма төрағасының ұжымымен кездесуі барысында қаралды. Талқылауға әртүрлі құрылымдық бөлімшелердің қызметкерлері қатысты. Негізгі назар құжаттың мазмұнын терең түсінуге және ұсынылып отырған өзгерістердің маңыздылығын пайымдауға аударылды.

Кездесу аясында негізгі ережелерді жүйелі түрде түсіндіруге арналған презентациялық материалдар дайындалды. Сонымен қатар жиын ашық пікірталас форматында өтті. Қызметкерлер құжатты өз бетінше зерделеу нәтижелерімен бөлісіп, сұрақтар қойды, жекелеген нормалардың мемлекеттік және қоғамдық үдерістерге ықтимал әсерін талқылады. Ережелерді практикалық мысалдар арқылы қарастыру олардың мазмұнын тереңірек ұғынуға мүмкіндік берді.

Жекелеген ережелерді қосымша талқылау мақсатында алдағы уақытта қосымша кездесулер өткізу жоспарлануда.

Стратегиялық инфрақұрылымдық жобаны жүзеге асырып отырған «Түркістан БГҚ» елдің ұзақ мерзімді дамуы мен азаматтардың өмір сүру сапасын арттыру мәселелерін өз жауапкершілігінің маңызды құрамдас бөлігі ретінде қарастырады.