Қалдық жылу қазандығы қаптамасының қабырғалық панельдері орнатылды

«Түркістан БГҚ» ЖШС құрылыс алаңында станцияның бас корпусында қалдық жылу қазандығы қаптамасының қабырғалық панельдері орнатылды. Атқарылған жұмыстардың нәтижелері мен монтаж сапасы күнделікті аралау барысында «Түркістан БГҚ» ЖШС Басқарма төрағасы Ұлан Бүркітовтің бас мердігер консорциумының өкілдері – Integra Construction KZ және Doosan Enerbility – қатысуымен қаралды.

Қабырғалық панельдерді монтаждау – маңызды технологиялық кезең. Бұл элементтер ірі конструкцияның құрамдас бөлігі болып табылады: олар қазанның газ тракті (газ жүретін арна) бөліктерін қалыптастырып, қондырғының герметикалығын қамтамасыз етеді. Нәтижесінде ыстық түтін газдарының сыртқа шығуының алдын алып, жылуалмасу процесінің тиімділігін арттырады. Сонымен қатар панельдер жылулық қорғаныс функциясын атқарып, персонал үшін қауіпсіз еңбек жағдайын қамтамасыз етеді және ішкі әрі сыртқы элементтерді бекітуге арналған көтергіш негіз ретінде қызмет етеді.

Құрылыс алаңындағы өндірістік кеңес барысында жобаның негізгі нысандары қаралды. Олардың қатарында электрқалқан ғимараты, 500 кВ және 220 кВ ашық тарату құрылғылары (ОРУ), сондай-ақ оперативтік басқару пунктінің (ОПУ) ғимараты бар. Сонымен бірге құрылыс-монтаж жұмыстарының ағымдағы қарқыны және кабельдік құдықтар мен эстакадаға бетон құю процесі талқыланды.

Негізгі назар – кестелерді синхрондау: кабель тарту жұмыстары соңғы нүктелердің құрылыс дайындығына тікелей тәуелді, ал релелік қорғаныс жабдықтарын монтаждау – іргелес құрылыс және электрмонтаж жұмыстарының уақтылы аяқталуына байланысты. Қосымша түрде Басқарма төрағасы Ұлан Бүркітовтің төрағалығымен өндірістік кеңесте есептік кезеңдегі хаттамалық тапсырмалардың орындалуы, ескертулерді жою және нақты орындалған жұмыстар қаралды.