«Самрук-Қазына» АҚ Басқарушы директоры Ернат Бердіғұловтың жұмыс сапары

«Самрук-Қазына» АҚ Басқарушы директоры Ернат Бердіғұловтың жұмыс сапары

«Самұрық-Қазына» АҚ стратегия және активтерді басқару жөніндегі басқарушы директоры Ернат Бердіғұлов Түркістан облысындағы бу-газ электр станциясының құрылыс барысымен танысты.

1000 МВт-қа дейінгі қуаттылығы бар генерациялық нысанның құрылысы – бұл өңірдегі ең ірі инвестициялық жоба, және ол Қазақстанның оңтүстік өңірлерін энергиямен қамтамасыз етуде стратегиялық рөл атқаратын болады.

Бүгінгі таңда негізгі құрылыс алаңында құрылыс-монтаж жұмыстары жалғасуда. Электр станциясының нысандарында арматуралық қаңқаларды орнату, электр желілері мен инженерлік коммуникацияларды төсеу жұмыстары жүргізілуде. 220 кВ және 500 кВ ашық тарату құрылғыларындағы жер қазу және шұңқырларды нығыздау жұмыстары аяқталып, іргетасқа бетондық дайындық жүргізілді.

«БГҚ Түркістан» компаниясының басқарма төрағасы Аскар Кусаинов жобаны іске асырудың негізгі кезеңдері туралы баяндады. Жабдықты шығаратын зауыттарда негізгі компоненттерді өндіруге тапсырыстар берілді. Сол жерде «БГҚ Түркістан» инженерлері жабдық жеткізушілерімен бірге турбиналар, жылу утилизациялау қазандықтары және басқа да агрегаттардың элементтерін сынақтан өткізуде. Мысалы, қазақстандық «Asia Trafo» зауытында болашақ электр станциясына арналған трансформаторлар жиналды. «Самұрық-Қазына» ҰӘҚ» АҚ стратегия және активтерді басқару жөніндегі басқарушы директоры Ернат Бердіғұлов атап өткендей, электр станциясының құрылысы жобасы елдің энергетикалық қауіпсіздігін арттыру жолындағы маңызды қадам болады.

Түркістан облысындағы 1000 МВт-қа дейінгі жалпы қуаттылығы бар маневрлік генерация режиміндегі бу-газ қондырғысына негізделген электр станциясын салу жобасының жоспарланған іске асу мерзімі – 2023 – 2026 жылдар.